सौर्य समाचार
काठमाडौं, १८ वैशाख । कम्पनि बन्द भएको लामो समय वितिसक्दा पनि नेकोन एयरका कर्मचारीले तलव पाउन सकेका छैनन् । कम्पनि बन्द भएको एक दशक बितिसके पनि हालसम्म एयर कर्मचारीले ६ करोड बराबरको तलब भत्ता तथा सञ्चय कोषको रकम नपाएको गुनासो गरेका छन् ।
पारिश्रमिक पाउनु पर्ने भन्दै पूर्व कर्मचारीहरुले प्रधानमन्त्री कार्यालय, अख्तियार दुरुपयोग अनुसन्धान आयोग, पर्यटन तथा नागरिक उड्डयन मन्त्रालय लगायतका निकायमा ज्ञापनपत्र बुझाएका छन् । तर कतैबाट सुनुवाइ भएको छैन ।
एक वर्ष भन्दा बढी समयको तलब, भत्ता, सञ्चय कोष, नागरिक कोष तथा विदाको रकम नपाएको पूर्व कर्मचारीहरुको गुनासो छ । श्रम कार्यालय वाग्मतीले २०६१ चैतमा नै कर्मचारीको सम्पूर्ण रकम कम्पनीले दिनुपर्ने निर्णय गरेको भएपनि सञ्चालकहरुले वेवास्ता गरेको पीडित कर्मचारीको भनाइ छ ।
लामो समयसम्म रकम पाउने आशामा बसेको तर नपाएपछि विभिन्न निकायमा धाउन थालेको पिडित कर्मचारीहरु बताउछन् ।
पिडित कर्मचारी गोन्दि बस्ताकोटीका अनुसार कर्मचारीहरुले प्रतिव्यक्ति न्यूनतम २ लाखदेखि १५ लाख रुपैयासम्म पारिश्रमिक पाउन बाकी छ । उनीहरुले नेकोन एयर पिडित कर्मचारी समिति समेत गठन गरेका छन् । श्रम कार्यालयको फैसला अनुसार ५ करोड ९४ लाख ८२ हजार रुपैया कर्मचारीले पारिश्रमिक पाउन बाकी छ । यसमध्ये १ करोड ३ लाख ४० हजार रुपैया सञ्चय कोष र ४ करोड ४ लाख १७ हजार रुपैया पारिश्रमिक वापतको हो । तलव भत्ता नपाउने नेकोनका पूर्व कर्मचारी २ सय ५६ जना छन् जसमा तल्लो तहका कर्मचारीदेखि पाइलट र इन्जिनियर सम्म छ ।
पिडित कर्मचारीहरुले प्रधानमन्त्री डा. बाबुराम भट्टराइलाइ भेटी त्रिभुवन अन्तराष्टिय विमानस्थलमा रहेका नेकोन एयरका पुराना जहाज लिलामीको प्रक्रिया रोकिदिन आग्रह गरेका छन् । कम्पनीको स्वामित्वमा रहेका जहाज विक्रि भएपछि तलब भत्ता पाउने कुनै आधार बाकी नरहने भन्दै कर्मचारीले लिलामी प्रक्रिया रोकिदिन आग्रह गरेका हुन् ।
कम्पनिका मालिकहरु फरार भएकाले सरकारले यो विषयलाई गम्भीर रुपमा लिनुपर्ने आग्रह उनीहरुले प्रधानमन्त्री समक्ष गरेका थिए । कम्पनिलाइ पटक पटक आफ्ना पुराना जहाज हटाउन आग्रह गर्दा पनि नटेरेको भन्दै त्रिभुवन विमानस्थल प्रशासनले हालै लिलामीको सूचना प्रकाशित गरेको छ । कम्पनिले विमानस्थललाइ नै करोडौं रुपैया बक्यौता तिर्न बाकी रहेको बताइएको छ । विमानस्थल परिसरमा नेकोनका पुराना जहाज तथा बस, क्रेन, टे«सल लगायतका सामान छन् ।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete