सौर्य समाचार
काठमाडौं, २० वैशाख । सन् २०१२ को चौथो महिना अप्रिलमा नेपाल आउने पर्यटकमा झिनो वृद्धि भएको छ । यो महिना हवाइ मार्गबाट ५९ हजार ४ सय १५ विदेशी पर्यटक नेपाल भित्रिएका छन् । त्रिभुवन अन्तराष्ट्रिय विमानस्थल अध्यागमन कार्यालयका अनुसार यो संख्या गत बर्षको अप्रिल महिनाको तुलनामा १४.३ प्रतिशतले बढि हो । सन् २०११ को अप्रिलमा ५१ हजार ९ सय ६९ पर्यटक नेपाल आएका थिए ।
अप्रिल महिनामा दक्षिण एसियाली मुलुकबाट आउने पर्यटक ३५.४ प्रतिशतले बढेको तथ्यांक छ । यो महिना दक्षिण एसियाली मुलुकबाट १८ हजार १ सय ५२ पर्यटक नेपाल आएका छन् । अघिल्लो बर्ष यो संख्या १३ हजार ४ सय थियो । छिमेकी मुलुक भारतबाट आउने पर्यटक यो महिना उल्लेख्य रुपमा बढेका छन् । अप्रिलमा १६ हजार १ सय ६० भारतिय पर्यटक हवाइ मार्ग हुदै नेपाल भित्रिएको नेपाल पर्यटन बोर्डले जनाएको छ । त्यस्तै पाकिस्तानी पर्यटक १५ प्रतिशतले बढेका छन् । वंगलादेशी र श्रीलंकाली पर्यटक भने केहि घटेका छन् । बर्षको पहिलो चार महिनामा दक्षिण एसियाली मुलुकबाट कुल ६२ हजार १ सय पर्यटक हवाइ मार्गबाट आएका छन् । यो संख्या गत बर्षको सोहि अवधिको तुलनामा ३७ प्रतिशतले बढि हो ।
दक्षिण एसिया बाहेक अन्य एसियाली मुलुकको पर्यटक आगमन वृद्धिदर १६.७ प्रतिशत छ । थाइल्याण्ड बाहेक सबै एसियाली मुलुकबाट आउने पर्यटक अप्रिलमा बढेको तथ्यांक छ । चिनिया, मलेसियन, सिंगापुरे र जापानी पर्यटक क्रमश ४३, १६.८, ५.७ र १३ प्रतिशतले बढेका छन् । एसियाली मुलुकबाट यो महिना ९ हजार ३ सय २७ र ४ महिनाको अवधिमा ४४ हजार ६ सय पर्यटक हवाइ मार्गबाट नेपाल भित्रिएका छन् । यो संख्या गत बर्षको सोहि अवधिको तुलनामा २१ प्रतिशतले बढि हो ।
‘लङ हल मार्केट’ तर्फ यूरोपको पर्यटक आगमन वृद्धिदर ३.२ प्रतिशत मात्र छ । अप्रिल महिनामा १९ हजार २ सय ८६ पर्यटक हवाइ मार्ग हुदै नेपाल भित्रिएको तथ्यांक छ । वेलायती तथा फ्रान्सेली पर्यटक घटेका छन् । अमेरिकी र क्यानाडेली पर्यटक केहि बढेका छन् ।
जनवरी देखि अप्रिलसम्मको अवधिमा भारतिय पर्यटक ४४ प्रतिशतले बढेको तथ्यांकले देखाएको छ । त्यस्तै चियिनया पर्यटक ३८ प्रतिशतले बढेका छन् । वेलायती पर्यटक ४ प्रतिशतले र अमेकिरी ११ प्रसितशतले बढेको नेपाल पर्यटन बोर्डले जनाएको छ । यो अवधिमा विभिन्न मुलुकबाट २ लाख ७ हजार ९ सय ६१ विदेशी पर्यटक हवाइ मार्गबाट नेपाल भित्रिएका छन् । यो संख्या गत बर्षको सोहि अवधिको तुलनामा २३ प्रतिशतले बढि हो । गत बर्ष यो अवधिमा १ लाख ६८ हजार ९ सय ५८ पर्यटक नेपाल आएका थिए ।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete