काठमाडौं, १६ माघ
पर्यटन तथा नागरिक उड्डयनमन्त्री शरतसिंह भण्डारीले नेपाल वायुसेवा निगमले जहाज निर्माता कम्पनी एयरबसलाई नयाँ जहाज खरिदका लागि पठाएको लकअप मनी फिर्ता माग्न अस्वीकार गरेका छन् । नेपाल सरकारले औपचारिक आग्रह गरे लकअप मनी फिर्ता गर्नेबारेमा सोच्न सकिने एयरबसले बताए पनि मन्त्री भण्डारीले भने त्यसमा असहमति जनाएका हुन् । लकअप मनी फिर्ता माग्ने काम निगमकै भएको उनको भनाइ छ ।
निगम अधिकारीहरू भने सरकारले नै यसको पहल गर्नुपर्ने बताउँछन् । 'एयरबस पैसा फिर्ता गर्न सकारात्मक हुँदाहुँदै पनि मन्त्रालयले असहयोग गर्यो,' निगमका एक अधिकारीले बताए । जहाज खरिदका लागि मन्त्रालय आफैँले पटकपटक लेखा समिति र अर्थ मन्त्रालयमा 'लविङ' गरेको भए पनि हाल आएर गैरजिम्मेवार भएको आरोप उनीहरूको छ ।
स्रोतका अनुसार गत महिना पर्यटनमन्त्री, सचिव र निगमका उच्च अधिकारीबीच जहाज आउन नसक्ने अवस्थामा मन्त्रीस्तरीय निर्णय गरेर एयरबससँग लकअप मनी फिर्ता माग्ने सहमति भएको थियो । निगमका निलम्बित एक अधिकारीले 'मन्त्रीले सहमति तोडेको र आफूहरूलाई मात्र फसाउन खोजेको' आरोप लगाए ।
निगमले एयरबससँग लकअप मनी फिर्ता माग्ने विषयमा पहल गरिदिन पर्यटन मन्त्रालयलाई केही समयअघि पत्र लेखेको थियो । सुरुमा मन्त्री सकारात्मक भए पनि पछि चासो नदेखाएको निगम अधिकारीले बताए । लकअप मनी मन्त्रीलाई सोधेर पठाएको हुँदा उनले पनि चासो देखाउनुपर्ने ती अधिकारी बताउँछन् । निगमका निलम्बित अधिकारीहरूले गत साता मन्त्री भण्डारीलाई भेटेर सो रकम फिर्ता माग्ने प्रक्रिया अगाडि बढाइदिन आग्रह गरेका थिए ।
मन्त्रालयले सार्वजनिक लेखा समिति र अर्थ मन्त्रालयले जहाज खरिदका विषयमा दिएका निर्देशन अहिलेसम्म निगममा पठाएको छैन । जहाज खरिदमा प्रत्यक्ष संलग्न मन्त्रालय अहिले उदासीन देखिनु दुःखलाग्दो कुरा भएको निगमको भनाइ छ । जहाज नआउने पक्का भइसकेको अवस्थामा बैना रकम फिर्ता माग्न मन्त्रालय सकारात्मक हुनुपर्ने उनीहरूको भनाइ छ । सम्झौताअनुसार निगमले एयरबससँग किन्न खोजेको दुई ठूला जहाजमध्ये पहिलो डेलिभरी आउने महिना गत सेप्टेम्बर हो ।
लकअप मनी फिर्ता गरेर अर्को 'डिल' गर्न एयरबस तयार रहेको र मन्त्रीले न्यारोबडी खरिद गर्ने निर्णय मन्त्रिपरिषद्बाट गराइदिन्छु समेत भनेको निगमको दाबी छ । एयरबससँग निगमले गरेको सम्झौताको अवधि आगामी मार्चमा सकिँदैछ । सम्झौता अवधि थप्न निगमले अझसम्म पनि कुनै पहल गरेको छैन ।
पर्यटन मन्त्रालयका सचिव किशोर थापाले लकअप मनी फिर्ता माग्नेसम्बन्धमा छलफल भइरहेको बताए । एयरबसले मौखिक रूपमा सो रकम फिर्ता दिन सकिने आशय व्यक्त गरेको बताउँदै उनले कहिले र कसरी आग्रह गर्ने भन्ने टुंगो लागी नसकेको जानकारी दिए । 'मुलुक र निगमकोे हितमा हुने गरी मन्त्रालयले निर्णय गर्छ,' उनले भने ।
निगम र एयरबसबीच भएको सम्झौतामा भने जहाज खरिद प्रक्रिया रद्द गरे बैना फिर्ता नहुने उल्लेख छ । निगमले २०६६ कार्त्तिक १९ मा एयरबसँग दुई जहाज किन्ने सर्तसहित समझदारीपत्रमा हस्ताक्षर गरी बैनास्वरूप ७ लाख ५० हजार अमेरिकी डलर (५ करोड ७३ लाख रुपैयाँ) पठाएको थियो ।
जहाज निर्माता कम्पनीको नियमअनुसार बैना नलिई उसले जहाजको मूल्य पठाउँदैन । एयरबससँग भएको समझदारीमै बैना प्राप्त हुनुपर्ने उल्लेख छ । निगमको आर्थिक विनियावलीमा सञ्चालक समितिले जहाज खरिद गर्ने निण्र्ाय गरेपछि व्यवस्थापनले बैना पठाउन सक्ने व्यवस्था छ ।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete