काठमाडौं, २८ चैत । नेपाल घुम्न आउने विदेशी पर्यटक बढिरहेको बेला विदेश घुम्न जाने नेपालीको संख्या पनि बढ्न थालेको छ । विभिन्न ट्राभल एजेन्सीले नेपालीलाइ लक्षित गरेर प्याकेज ल्याएपछि नेपाली विदेश घुम्न जान थालेका हुन् ।
सन् २०११ मा २५ हजार ७ सय ३८ नेपाली थाइल्याण्ड घुम्न गएको तथ्यांक छ । थाइल्याण्ड पर्यटन कार्यालयका अनुसार यो संख्या सन् २०१० मा अझ बढि थियो । २०१० मा ३२ हजार ८ सय ४४ नेपाली थाइल्याण्ड घुम्न गएका थिए । गत बर्ष भने थाइल्याण्डमा आएको बाढिका कारण पर्यटक घटेको बताइएको छ । थाइल्याण्ड घुम्न जाने नेपालीमध्ये सबै भन्दा बढि ‘इन्सेन्टिभ’ मा जाने छन् । ४१ प्रतिशत नेपाली विभिन्न कम्पनिले पंदान गर्ने उपहार लगायतका प्याकेज मा ४१ प्रतिशत पर्यटक थाइल्याण्ड गएको तथ्यांक छ ।
दोहो¥याएर थाइल्याण्ड घुम्न जाने नेपालीको संख्या पनि कम छैन । ७० प्रतिशतल नेपाली पुन भ्रमणका लागी थाइल्याण्ड जाने गरेको तथ्यांक छ । विदा मनाउन जानेको संख्या २५.५ प्रतिशत छ । अधिकांश नेपाली पताया, फुकेट तथा बैंकक जाने गरेका छन् । सस्तो, संस्कृति र खानपान मिल्ने तथा भिसा पाउन सजिलो र शुल्क पनि नलाग्ने भएकाले नेपालीको आकर्षण थाइल्यान्डप्रति बढेको छ । मध्यमवर्गले समेत ‘अफोर्ड’ गर्न सक्ने गरि विभिन्न ट्राभल्स कम्पनिले थाइल्याण्डको टुर–प्याकेज सञ्चालन गरिरहेका छन् । उच्चपदस्थ सरकारी कर्मचारी, कर्पोरेट ग्रुप, परिवार तथा बैंकिङ ग्रुपले थाइल्याण्ड रोज्ने गरेको बताइएको छ ।
यसैविच थाइल्याण्डको राष्ट्रिय ध्वजाबाहक वायुसेवा कम्पनि थाइ एयरवेजले नेपाली नया बर्षको अवसर पारेर छुटको घोषणा गरेको छ । बैंकक, सिंगापुर, क्वलालम्पुर, अष्ट्रेलिया, जापान लगायतका थुपै्र गन्तव्यका लागी विशेष ‘प्रमोसनल फेयर’ लागु गरिएको कम्पनिले जनाएको छ । नेपालको सगै थाइल्याण्डको पनि नया बर्ष पर्ने भएकोले नेपाली पर्यटकलाइ थाइल्याण्ड घुम्न आउन कम्पनिले आग्रह गरेको छ ।
विगत ४४ बर्षदेखि नेपालमा सेवा सञ्चालन गर्दै आएको थाइ एयरवेजले नेपाललाइ पनि सम्भावित बजारको रुपमा प्रवद्र्धन गर्न थालिएको बताएको छ । सन् २०१२ लाइ नेपालमा विशेष बर्षको रुपमा मनाउने जानकारी दिदै कम्पनिले त्रिभुवन अन्तराष्ट्रिय विमानस्थल अध्यागमन काउन्टरमा हुने भिड कम गर्न चेकिङ टाइम बढाइएको जानकारी दिएको छ । थाइ एयरवेजले बैंकक काठमाडौं दैनिक तथा नेपाल वायुसेवा निगमले काठमाडौं बैकक साताको दुइवटा उडान गर्दै आएको छ ।
No comments:
Post a Comment