गुण एयरलाइन्सको उडान दुइ सातामा

सौर्य समाचार

काठमाडौं, ५ वैशाख । निजि क्षेत्रको आन्तरिक वायुसेवा कम्पनी गुण एयरलाइन्सको उडान सेवा दुई सातामा सुचारु हुने भएको छ । प्राविधिक समस्याका कारण आकस्मिक रुपमा गत महिना बन्द भएको उडान चा“डै सुचारु हुने कम्पनिले जनाएको छ । 

तीनवटा बीचक्राफ्ट जहाज संचालन गर्दै आएको एयरलाइन्सका जहाज मर्मत गर्नुपर्ने भएपछि सेवा बन्द हुन पुगेको थियो । सकेसम्म चाडै सेवा संचालन गर्ने जनाए पनि इन्जिन तथा विमानका स्पेयर पार्ट्स विदेशबाट आइपुग्न समय लागेका कारण सेवा संचालनमा ढिलाई हुन पुगेको कम्पनिले बताएको छ । ‘जहाजको इन्जिन र स्पेयर पार्टस आउन समय लागेकाले समयमै सेवा सुचारु गर्न सकेनौ’ गुण एयरलाइन्सका प्रमुख रणनितिक अधिकृत घनश्याम आर्चायले भने । 

आचार्यका अनुसार जहाजको इन्जिन नेपाल आइपुगि सकेको छ । बुधबारबाट जहाजमा इन्जिन जडान कार्य शुरु गरि दुई साता भित्र उडान सुचारु गरिने उनले जानकारी दिए । ‘आगामी दिनमा प्राविधिक कारणले सेवा बन्द हुन नसक्ने गरि तयारी भइरहेको छ ।’ आचार्यले भने । जहाजको इन्जिन ‘ओभरहल’ गरेपछि इन्जिन परीक्षणका लागि परीक्षण उडान गर्नुपर्ने हुन्छ । उडान सुचारु गर्न लाग्ने समय बारे कम्पनीले नेपाल नागरिक उड्डयन प्राधिकरणलाई समेत जानकारी गराई सकेको छ । १५ दिन भन्दा बढि सेवा बन्द गर्नुपर्ने भएमा नागरिक उड्डयन प्राधिकरणलाइ समेत जानकारी गराउनुपर्ने हुन्छ । 

उडान बन्द गर्दा यात्रुले असुविधा व्यहोर्नुका साथै दैनिक १० लाख गुमाउनु परेको कम्पनिको भनाइ छ । कम्पनिले काठमाडौंलाइ आधार बनाएर गुणले माउन्टेन फ्लाइटका साथै विराटनगर, भैरहवा, विराटनगर, पोखरा लगायत ६ वटा सुगम गन्तव्यमा उडान गरिरहेको छ । ६ वटा गन्तव्यमा उडान गर्दै आएको थियो । दुई वर्ष अघिदेखि सेवा संचालन गरेको गुण एयरलाइन्स ‘गुण गु्रप’ अन्र्तगत सञ्चालित छ । 

कम्पनिले विना कुनै जानकारी उडान बन्द गर्दा यात्रुलाइ असुविधा पुगेको ट्राभल एजेन्सी सञ्चालकहरुले बताएका छन् । जहाज मर्मत गर्नुपर्ने भन्दै दुइ साता उडान बन्द गर्ने कम्पनिले जनाएको थियो । गुण एयरलाइन्स यात्रु संख्याको आधारमा मुलुकको चौथो ठूलो वायुसेवा कम्पनि हो । यसले सन् २०११ मा ५ हजार ५ सय ७६ उडान गरि ७७ हजार ८ सय ८९ यात्रु बोकेको नागरिक उड्डन प्राधिकरणको तथ्यांक छ ।