काठमाडौं, ३ वैशाख । पर्यटक बढाउन सरकारले ‘मिटिङ इन्सेन्टिभ कन्फ्रेन्स एक्जिबिसन (माइस)’ पर्यटन प्रवद्र्धन गर्ने नीति लिएपछि तारे होटलले यसबाट राम्रो आम्दानी गर्न थालेका छन् । अन्तराष्ट्रिय स्तरका सभा सम्मेलन नेपालमा हुन थालेपछि पाचतारे होटलको आम्दानी र अकुपेन्सी बढेको हो ।
सरकारले बजेटमार्फत् माइस पर्यटन प्रवद्र्धन गर्न सयभन्दा बढी पर्यटक भित्र्याउने व्यवसायीलाई ५ लाख रुपैया उपलब्ध गराउने घोषणा गरेपछि पर्यटन व्यवसायी उत्साही भएका छन् । गत बर्ष एसियाली पर्यटन मन्त्रीहरुको सम्मेलन, पाटा ट्राभल मार्ट, मेडिकल कंग्रेसको अन्तराष्ट्रिय सम्मेलन, अल्पाइन क्लवहरुको अन्तराष्ट्रिय सम्मेलन, अन्तराष्ट्रिय होटल रेष्टुरेन्ट एसोसिएसनको वल्र्ड कंगे्रेस लगायतका २ दर्जन कार्यक्रम नेपालमा भएको पर्यटन बोर्डले जनाएको छ ।
‘अफ सिजन’ का लागि माइस होटलको राम्रो आम्दानीको श्रोत भएको सञ्चालकहरु बताउछन् । होटल सोल्टीको ६० प्रतिशतभन्दा बढी आम्दानी सभा सम्मेलनबाट हुने व्यवस्थापनले जानकारी दिएको छ । अन्य तारे होटलमा समेत माइसका कारण अकुपेन्सी बढेको छ । माइस पर्यटक बढाउन सरकारले होटल व्यवसायीहरुलाइ आफ्नो क्षमता बढाउन आग्रह गर्दै आएको छ । राजधानीका पाचतारे होटलमा ७ सय क्षमतासम्मका सभाकक्ष छन् ।
सरकारले गत आर्थिक बर्षको बजेटमै सयभन्दा बढी विदेशी पाहुना हवाई मार्गबाट ल्याएर कार्यक्रम गर्ने संस्था वा व्यक्तिलाइ ५ लाख रुपैया सहयोग गर्ने घोषणा गरेको थियो । चालु आवको बजेटमा पनि यसलाइ निरन्तरता दिइएको छ । कुनै पनि व्यक्ति वा संस्थाले एकपटकमा सयभन्दा बढी हवाई मार्गबाट नेपाल आउने विदेशी राहदानी बाहकलाई सहभागी गराई सभा सम्मेलन गोष्ठी बैठक वा अन्तरक्रिया आयोजना गरेमा त्यस्तो आयोजकलाई प्रमाणका आधारमा सरकारका तर्फबाट ५ लाख रुपैया नगद सहयोग उपलब्ध गराइने बजेटमा उल्लेख छ ।
माइस पर्यटनका लागि पर्यटन मन्त्रालयले तयार गरेको कार्यविधिमा रकम उपलब्ध गराउन ई–टिकट आउनेको पासपोर्ट तथा भिसा परिचयपत्र होटलमा बसेको प्रमाण र कार्यक्रमको अडियो तथा भिडियो उपलब्ध गराउनुपर्ने उल्लेख छ ‘इभेन्ट पर्यटन’ समेत भनिने माइसको सम्भावित बजारको रुपमा भारतमा विभिन्न कार्यक्रम भइरहेको पर्यटन बोर्डका निर्देशक काशीराज भण्डारीले बताए । हालैमात्र बोर्डले मुम्बइमा भएको चौथो माइस पर्यटन मेलामा नेपालको प्रवद्र्धन गरेको छ । विश्वभरका होटलको कारोबारमध्ये २० देखि ३० प्रतिशत माइसबाट हुने गरेको बताइन्छ । बार्षिक १५ लाख भन्दा बढि भारतिय माइसका लागी विदेश जाने गरेको तथ्यांक छ । यो संख्या बार्षिक २० प्रतिशतले बढिरहेको बताइएको छ ।
छोटो उडान अवधि तथा सहज हवाइ सम्पर्कका कारण भारतियलाइ माइसका लागी आकर्षित गर्न सकिने पर्यटन व्यवसायीहरु बताउछन् । माइसका लागी आउने पर्यटक अन्य गतिविधिमा पनि सम्लग्न हुने भएकोले आम्दानी बढि हुने गर्छ ।
No comments:
Post a Comment