काठमाडौं, ९ वैशाख । सरकारले नेपालको हवाइ उद्योगमा काम गर्न आउने वैदेशिक जनशक्तिले अनिवार्य रुममा कार्य सहमति, श्रम स्वीकृति र गैर पर्यटक भिषा लिनुपर्ने व्यवस्थाको पालना गर्न सरोकारवालाहरुलाइ निर्देशन दिएको छ । लामो समयदेखि गैरकानुनी रुपमा हवाइ उद्योगमा विदेशी जनशक्ति कार्यररत रहेको भन्दै पर्यटन तथा नागरिक उड्डयन मन्त्रालयले बमोजिम यस्तो निर्णय गरेको हो ।
सबै क्षेत्रमा काम गर्ने विदेशी जनशक्तिले अनिवार्य रुपमा श्रम स्विकृति लिनुपर्ने कानुनी व्यवस्था भएपनि हवाइ क्षेत्रमा यो लागु हुन सकेको थिएन । हवाइ क्षेत्रमा काम गर्न आउने वैदेशिक जनशक्तिले पर्यटक भिषामा रहदाको अवस्थामा नेपालमा काम गर्न नपाउने गरि लाइसेन्स नविकरण, अथोराइजेसन वा भ्यालिडेसन प्रदान गर्दा सबै कानुनी सर्त पुरा गर्न नेपाल नागरिक उड्डयन प्राधिकरणलाइ मन्त्रालयले निर्देशन दिएको छ । साथै मन्त्रालयले विमान कम्पनिहरुलाइ पनि सोहि बमोजिम गर्न जानकारी गराएको छ ।
नेपाली हवाई उद्योगको प्रारम्भदेखि हालसम्म वैदेशिक जनशक्तिबाट हवाई उद्योग संचालन हुदै आए पनि यसअघि भने त्यस्तो जानकारी मन्त्रालयले गराएको थिएन । मन्त्रालय अन्र्तगतको हवाई सम्झौता, वायुसेवा तथा विमानस्थल संचालन महाशाखाका सहसचिव सुरेश आचार्यले छोटो समयका लागी आउने विशेषज्ञको हकमा निर्देशन लागु नहुने बताए । ‘सकेसम्म नेपालीलाइ नै लगाउनु राम्रो तर विदेशी ल्याउनैपर्ने भएमा छोटो समयको लागी आउने विशेषज्ञको हकमा समस्या छैन ।’ आचार्यले भने । विशेषज्ञलाइ सबै प्रक्रिया पु¥याउन नपर्ने गरि सहजीकरण गरिदिन प्राधिकरणलाइ अनुरोध गरिएको उनले जानकारी दिए । मन्त्रालयले सरोकारवालाहरुलाइ पठाएको पत्रमा कति समयावधि सम्म नेपालमा काम गर्ने वैदेशकि जनशक्तिलाई श्रम स्विकृति र गैर पर्यटक भिसा अनिवार्य गरिएको भन्ने उल्लेख गरिएको छैन ।
छोटो समयका लागि आउने जनशक्तिका लागी समेत सम्पूर्ण प्रक्रिया पु¥याउनु पर्दा समस्या हुने गरेको वायुसेवा सञ्चालकहरुको गुनासो छ । लामो समयका लागि काम गर्न आउने वैदेशिक जनशक्तिका लागि आवश्यक प्रक्रिया पु¥याउदै आए पनि पर्यटन मन्त्रालयले गत आकस्मिक रुपमा पत्राचार गरेपछि समस्या सृजना भएको उनीहरुको भनाइ छ । गृह मन्त्रालयको आग्रह बमोजिम भन्दै पर्यटन मन्त्रालयले प्राधिकरण मार्फत् विमान कम्पनीमा कार्यरत वैदेशिक जनशक्तिका लागि श्रम स्विकृति र गैर पर्यटक भिसा माग गर्न पत्राचार गरेको थियो ।
मन्त्रालयका अनुसार विमान कम्पनिको समस्याका सम्बन्धमा छलफल भइरहेको छ । ‘मन्त्रालयको उद्धेश्य विमान कम्पनिलाइ अप्ठ्यारो पार्ने होइन । सहजिकरण गर्ने हो ।’ सहसचिव आचार्यले भने । नया“ व्यवस्थाका लागी प्रक्रिया अगाडी बढेकोले केहि दिनमै मन्त्रालय निर्णयमा पुग्ने उनले बताए ।
विमान मर्मत सम्भारदेखि सञ्चालनका लागि समेत वैदेशिक जनशक्ति अनिवार्य भएकाले केहि दिनका लागि श्रम स्विकृति र गैर पर्यटक भिसा लिनुपर्दा कम्पनिलाइ समस्या परेको सञ्चालकहरुको दावी छ । मन्त्रालयले समयावधि निर्धारण नगरेका कारण केहि दिनका लागि समेत प्रक्रिया अनिवार्य हुदा विमान बन्दै गर्नुपर्ने अवस्था रहेको सिम्रिक एयरका महाप्रबन्धक योगराज क“डेलले बताए । उनका अनुसार नया विमानको परीक्षण उडानदेखि पाइलटको परीक्षण उडान तथा मेन्टिनेन्सका लागि समेत वैदेशिक जनशक्ति अनिवार्य छ ।
श्रम स्विकृतिका लागि विमान कम्पनीले उड्डयन प्राधिकरण, पर्यटन मन्त्रालय, गृह मन्त्रालय तथा अर्थ मन्त्रालय धाउनु पर्ने लामो प्रक्रिया छ । श्रम स्विकृति लिन लामो समय तथा झन्झटिलो प्रक्रियाका कारण सो समयसम्म विमान बन्द गर्दा कम्पनीहरु मार पर्ने महाप्रबन्धक कडेलले बताए ।
मन्त्रालयले भने श्रम ऐन तथा नियमावली अनुसार काम गर्न आउने वैदेशिक जनशक्ति पर्यटक भिसा मार्फत काम गर्न नपाउन् भन्ने उद्देश्यले त्यस्तो निर्देशन दिइएको जनाएको छ । विमान कम्पनिले उठाएका समस्या बारे मन्त्रालय, प्राधिकरण र वायुसेवा सञ्चालकहरु बीच दुई चरणमा छलफल भइसकेको र आवश्यक निर्णय लिन पर्यटन मन्त्री लोकेन्द्र विष्ट मगरले कार्यदल गठन गर्ने निर्णय गरेको बताइएको छ । कार्यदलको निष्कर्षपछि मात्र दीर्घकालिन समाधान निकालिने मन्त्रालयले जनाएको छ ।
No comments:
Post a Comment